İnam Kərimovun kadrı “Space” televiziyasının rəhbərliyinə gətirildi

İyun 18, 2026 - 13:40
0

“Space” televiziyasının baş direktoruna yeni müavin təyin edilib

“BusienssTime” "PostMedia"ya istinadən xəbər verir ki, bu vəzifə İlham Süleymanova həvalə edilib.

İ. Süleymanov telekanalda kadr siyasəti və idarəetmə məsələlərinə, o cümlədən yeni müxbir və redaktorların seçiminə cavabdeh olacaq.

Qeyd edək ki, İlham Süleymanov bir müddət əvvəl Azərbaycan kənd təsərrüfatı naziri Məcnun Məmmədovun əmri ilə Kənd Təsərrüfatı Nazirliyinin Elm, təhsil və insan resursları şöbəsinin müdiri vəzifəsindən azad edilmişdi.

O, 2018-ci ildən sabiq nazir İnam Kərimovun əmri ilə KTN-də fəaliyyətə başlayıb. Bundan əvvəl isə Əmək və Əhalinin Sosial Müdafiəsi Nazirliyinin ictimaiyyətlə əlaqələr şöbəsində çalışıb.

Xatırladaq ki, “Space” televiziyasının təsisçisinin bu ilin may ayının əvvəlində verdiyi qərarla kanalın baş direktoru vəzifəsinə Ayaz Mustafayev təyin olunub.

işarələmələr: